Cruceiro de Covelo | GALICIA MÁXICA

Cruceiro do Santo Cristo dos Aflixidos


Santiago de Covelo


Na praza central de Covelo, fronte á Casa do Concello, localízase un dos máis fermosos cruceiros de Galicia, obra supostamente realizada polo máis afamado canteiro galego de todos os tempos. Mágoa que a súa fama fose póstuma. Falamos do mestre canteiro José Cerviño García, Pepe dá Pena, cuxa máis destacada obra é o Cruceiro de O Hío, en Cangas. A praza recibe o nome de Mestre Cerviño.



Pero este cruceiro dedicado ao Santísimo Cristo dos Aflixidos non queda atrás xa que conta cunha decoración iconográfica exquisita e sorprendente.

A súa cruz móstranos a Xesús crucificado cun anxo e un cáliz co sangue sacro e no reverso á Virxe sobre tres anxos e unha pomba que representa ao Espírito Santo. Esta cruz sostense por catro caras de anxos.



Seguimos baixando polo varal de mármore e atopámonos coa Virxe da Concepción e máis abaixo as figuras de Adán e Eva sobre a culebra que representa ao demo. Ata aquí as representacións son bastante frecuentes nos cruceiros de Galicia, pero o seu gran interese reside no pedestal. Alí atopámonos con seis figuras humanas que realmente son alegorías á industria, a agricultura, as artes e a xustiza e as outras dous restantes representan a Santiago e a outra posiblemente sería San Xoán Bautista ou o Salvador.



Na parte dianteira do cruceiro localízase un retablo de ánimas bellamente decorado e policromado que se atopa protexido por un enreixado.

Na base tamén pero no lado oposto á fronte temos unha placa conmemorativa ás persoas que impulsaron a construción do cruceiro.

A placa dinos:

"Costeado por D. Juan Antonio Tielas Fontán, vecino que fue de esta parroquia siendo abad de la misma D. Domingo Dieguez Táboas. Años de 1899. La berja y carretos de esta obra se hicieron por cuenta de los vecinos de la misma".

Dise que Antonio Tielas custeou o cruceiro tras a morte da súa filla. Con todo nin el nin a súa muller vírono terminar, pois faleceron tamén antes diso. Dos enreixados primitivos non queda nada e o "carreto" débese referir ao transporte dos materiais.



Se queremos saber máis sobre a obra podedes ver este blogue de Maximino Fernández Sendín onde ninguén mellor que el nos poderá describir o cruceiro.

http://fernandezsendin.blogspot.com.es/2010/09/el-cruceiro-de-covelo-ejemplar-unico.html


Máis fotos aquí






MAPA - LOCALIZACIÓN

Comentarios

Publicar un comentario

Publicacións populares deste blog

Sorpresa! Un neveiro recuperado

Imaxe
Grata sorpresa a que nos levamos ao ir visitar de novo os restos do "Neveiro dos Frades", tamén coñecido como da Franqueira e propiedade na súa antigüidade dos monxes deste próximo mosteiro. Hai tempo soubemos da súa existencia e decidímonos ir atopar os seus restos. Non foi fácil, pois non aparecía nos mapas e por suposto non estaba sinalizado, pois non eran moitos os que coñecesen a súa existencia. Grazas a lectura especializada, á intuición e sobre todo ao "ditoso" Google Earth puidemos localizar os seus restos case imperceptibles daquela sobre o mapa.


Era sabido que os seus restos non poderían estar en bo estado pero aínda así a decepción foi grande, pois non entendiamos como un elemento patrimonial de case 500 anos puidese estar en semellante esquecemento. As filtracións de auga provocaran esborralles nos seus muros e os incendios arrastraron gran cantidade de desfeitos cara a dentro como ramas e árbores.

Este fin de semana propuxémonos volver visitalo e a so…
Ler máis

O Pozo do Arco, fervenzas e muíños | GALICIA MÁXICA

Imaxe
No concello de Oia, na parroquia de Burgueira existe un fermoso recuncho da Serra da Groba formado polo río Tamuxe. Trátase da área coñecida como O Pozo de Arco e que está formada por un carreiro con pasarelas de madeira e unha ponte, varios muíños e unha magnífica fervenza, ademais das pozas formadas neste estreito e rochoso tramo de río. Outro lugar que sería unha marabilla se conservase algo do seu bosque autóctono.



O río Tamuxe
O río Tamuxe, ás veces denominado tamén como Carballas nace en Oia e fórmase recibindo a auga de varios pequenos regatos como o de Vilachán ou o de Margaridas que nacen entre A Serra da Groba e as estribacións ao norte da Serra doArgalo. Logo discorre encaixado por este municipio formando paraxes fabulosas como as Pozas de Loureza. Despois atravesa as parroquias do Rosal de Santa Mariña do Rosal e San Miguel de Tabagón onde desemboca no río Miño.

Ler máis

Cruceiros de Galicia

Imaxe
Un dos elementos máis característicos da paisaxe galega son os cruceiros, unha obra de arquitectura popular que segundo datos poderían superar os 12.000 monumentos dentro do territorio da actual Galicia. E catalogar todos os posibles é o que pretende o proxecto Cruceiros de Galicia que conta con máis de 4300 inventariados e 6000 localizados nun mapa. Nesta web poderedes saber moito máis sobre eles e ter unha idea da inxente cantidade de cruceiros que se reparten por toda Galicia.



O culto ás pedras pérdese nos inicios da humanidade, seguramente moito antes dos que podemos imaxinar. As súas formas, o seu abrigo, a súa dureza e a súa materia prima provocaron que pronto o home fixásese nelas. En Galicia temos manifestacións megalíticas presentes desde fai miles de anos, pedras que foron lugares de cultos pagáns ata non fai moito. Moitos destes situábanse en lugares especiais, como en encrucilladas e por iso abundan en Galicia as lendas relacionadas con eles e co culto aos camiños, como …
Ler máis