Canón e pasarelas do Río Mao | GALICIA MÁXICA
O Río Mao nace na Serra de San Mamede e diríxese cara ao Sil. Parte do seu percorrido e o seu val é hoxe un gran pantano que forma o denominado Encoro de Leboreiro . Despois de leste o val encáixase formando unha espectacular paisaxe antes da unión co Sil en Barxacova en plena Ribeira Sacra . Xa desde as primeiras luces eléctricas en Galicia a primeiros de século XX o río foi explotado para a xeración de electricidade debido ás súas características físicas. Proba diso é a existencia no inicio desta pequena ruta do que foi a Fábrica da Luz, hoxe establecemento hostaleiro e lugar de lecer e formación do concello de Parada de Sil. Creouse en 1914 e inicialmente chamábase La Gallega pasando posteriormente a Unión Fenosa. Aínda poderemos ver diferentes elementos daquel pasado industrial como tubos e outras maquinarias que aproveitaban a auga da chamada "canle vello" cuxos restos aínda é posible ver. As novas tecnoloxías provocaron a construción de novos encoros e novas canalizació