Alvariza de Pereira | GALICIA MÁXICA
SAN BARTOLOMEU DE PEREIRA
Na parroquia de Pereira atópase unha das numerosas alvarizas que conserva o concello de Forcarei. Con todo tan só un par delas manteñen actualmente un "bo aspecto" e unha delas é esta de San Bartolomeu.
As alvarizas son construcións tradicionais cuxo obxectivo era protexer as colmeas e o prezado mel dos depredadores, sobre todo do oso que ata o século XIX poboaba estas terras.
Esta de Pereira ten forma rectangular e unhas dimensións que alcanzan os 17 metros por 10 de ancho. Os seus muros alcanzan unha altura no seu exterior de dous metros nalgúns puntos e no seu interior alcanzan os catro metros. A súa porta oriéntase ao nacente aínda que o seu acceso non é posible por ser unha propiedade privada.
Comentarios
Publicar un comentario