Publicacións

Mostrando publicacións desta data: May, 2016

Calvario e Igrexa de Castro Barbudo | GALICIA MÁXICA

Imaxe
A pés do encoro de Eiras levántase o Monte Catadoiro. Unha dos seus cumes localízase na parroquia de Castro Barbudo e elévase ata os 467 metros. Esta é denominada "O Castelo" en relación cun asentamento de época castrexa cuxos restos deberemos adiviñar. Desde as inmediacións obteremos unha gran vista do val do Oitavén así como do encoro que retén as súas augas: o encoro de Eiras.

Como moitos destes de xacementos o lugar foi sacralizado pola construción dunha igrexa nas proximidades. Dita igrexa foi reedificada en época barroca, concretamente no ano 1780. Xunto a ela construíuse o cemiterio parroquial.
A súa planta é rectangular dunha soa nave e a súa ábsida tamén adopta esta figura pero coa adhesión dunha sancristía. Cóbrese a dúas augas e a súa fachada non ten ningún obxecto decorativo salvo a súa sinxela espadana de dobre campanario. No muro sur atópase encostado un sepulcro.
No interior se garda unha fermosa cruz románica.

Un vía crucis rodea o atrio da igrexa pero o que máis…

Lagoa das Pontes | GALICIA MAXICA

Imaxe
(Máis fotos aquí)
A empresa Endesa explotou o complexo mineral de As pontes durante máis de 30 anos. O lignito era o prezado mineral para poder dar vida á central térmica de As Pontes. Para iso creouse unha mina a ceo aberto polo que se realizou un gran burato de máis de 200 m de profundidade, unha extensión de 811 ha. A extracción do mineral ademais propiciou a formación dunha grande entulleira. O motivo principal é que tristemente saía máis rendible exportar o mineral do estranxeiro dende centos de quilómetros que extraelo a 500 m. A partir do ano 1985 comézase a recuperar a entulleira e os primeiros plans para a recuperación do gran "burato". Decidiuse a creación dun gran lago mediante as chuvias o que conduciría a unha enchedura que duraría 20 anos. Non obstante preparouse outro plan desviando algún pequeno regueiro e creando unha canle para traer auga do Eume. En pouco máis de catro anos conseguiuse a enchedura que culminou na primavera do 2012, creando así o maior lago …

Fervenza das Painceiras ou de Bermui | GALICIA MAXICA

Imaxe
(Fotos de Toni Corrales)
Na parroquia de Bermui, nas Pontes de García Rodríguez, un pequeno regueiro coñecido como Rego dás Foxas dá as súas augas ao Río Eume. Este pequeno río de escaso caudal ten menos de dous quilómetros de lonxitude e tres cuartas partes do seu traxecto discorre por zonas chairas. Ao chegar ao encaixado val do Eume salva 100 metros de desnivel en tan só 200 metros finais o que provoca que en épocas de chuvias se formen fascinantes fervenzas. Unha delas de case 10 metros de altura sorprenderanos pola súa beleza. A forza desta parte do río foi aproveitada nas décadas anteriores para a moenda do gran. Proba diso é a existencia de dous muíños de auga que conforman unha magnífica paisaxe realmente belo.




Localización - Mapa

Ver mapa más grande

Museo do Mel - O Enredo do Abelleiro | GALICIA MAXICA

Imaxe
(Máis fotos aquí)
O Enredo do Abelleiro - Museo Vivente do Mel
Por debaixo do noiro que forma a presa do Encoro de Portodemouros, na parte de Arzúa, sitúase un fantástico museo vivente onde gozarás in situ da vida e obra dun dos insectos máis importantes para o desenvolvemento normal do ecosistema onde vivimos. É o MuseoVivente do Mel, ou Enredo do Abelleiro.



Coñecer o mel é tamén coñecer a nosa historia. Un dos produtos que foi utilizado dende a prehistoria ata o noso días, en diferentes localizacións, por diferentes culturas e ao longo dos séculos. Xa nomeada na Biblia e no Corán, foi sempre valorada como un rico manxar, tanto polo padal coma polas súas propiedades curativas, xa que é grazas a ela que a forza, a lonxevidade e a cura de moitas enfermidades é posible. O que está claro é que demostrada é a súa naturalidade e o creamos ou non, algo que sae da trasformación do pole da flor ten que ser bo, si ou si.



Ben é certo que estes insectos himenópteros nunca tiveron boa fama e xa os in…

Ponte dos Brozos | GALICIA MAXICA

Imaxe
(Fotos de )
Existen bens patrimoniais e históricos que por motivos alleos a eles víronse forzados a convivir con paisaxes que ata hai pouco eran inimaxinables para estes. É o caso da Ponte dos Brozos, que a duras penas conseguiu salvarse da barbarie da tecnoloxía e da civilización e manterse case intacto. Este sitúase no corazón dun grande area industrial coñecido como O Polígono do Sabón. Hoxe forma parte do Paseo Fluvial que discorre sobre este polígono paralelo a un río ferido polo progreso, o río Bolaños.



Supónselle un pasado romano, ligado á vía que percorría a costa e que era coñecida como Per Loca Marítima. A través dos séculos a ponte sufriu varias modificacións ata chegar ao estado actúal. Hoxe presenta dous arcos cun tallamar contra a corrente. No lado contrario ten unha pila que crea un apartadoiro xunto á calzada que tamén conserva un vello enlousado. A pesar de non ter ollos apuntados a calzada encóntrase en lixeira pendente en ambos os dous lados.



Localización - Mapa
Ver map…

Praia de Sabón ou de Alba | GALICIA MAXICA

Imaxe
(Fotos de Toni Corrales)
Esta gran praia perdeu todo o seu esplendor dende que se instalou xunto a ela a central térmica de Sabón, xusto na desembocadura do Río Arteixo ou Bolaños no que tamén se contruiu unha presa coñecida como Encoro de Ruxidoiro. Ademais da central o Río Bolaños discorre polo interior do Polígono Industrial de Sabón polo que dende fai xa moitos anos non baixa como a todos nos gustaría. A zona dunar  sur é moi escasa debido á degradación dos últimos anos. Cara ao norte encóntrase a central e o encoro.
A praia é bañada polo Océano Atlántico e por iso recibe forte ondada. A praia conta cun bo aparcadoiro. A construción do porto exterior de Punta Langosteira provoca que a praia se desconfigure máis aínda no seu aspecto natural.
A pesar desta contaminación, o encoro é utilizado por moitas especies de aves que ven nas súas augas doce un lugar onde poder alimentarse e criar.

Ocupa unha extensión de 900 metros por 40 metros de ancho.



O Tempo na praia de Sabón con:




Localización …

Praia Valcovo ou de Area Grande | GALICIA MAXICA

Imaxe
(Fotos de Toni Corrales)
Atoparás esta praia de Arteixo escrita das máis diferentes xeitos: " Valcobo, Balcobo, Balcovo," non obstante o topónimo oficial é "Valcovo" e para evitar confusións así mostrarémolo.

A praia de Valcovo encóntrase protexida polo sueste por unha elevación coñecida como O Monte da Angra que alcanza os 239. Cara ao nordés sitúase un pequeno monte de 133 metros que mantén restos dunha ocupación castrexa. O val deixado entre estas dúas elevacións forma na costa esta fermosa praia triangular que conta con máis de 260 metros de lonxitude na súa parte máis ancha. O seu ancho varía moito xa que alcanza un mínimo de 30 metros e un máximo de 100 en marea baixa.  O areal está flanqueado pola Punta do Compás e a Punta do Petón.



Praia de mar aberto rodeada de dunas que fai que este resgardada á vista, facendo dela un lugar paradisíaco de augas limpas. A súa proximidade ao casco de Arteixo provoca que sexa unha das praias máis transitadas do municipio. Conta…

Fervenza do Rego da Palanca | GALICIA MAXICA

Imaxe
(Fotos de Toni Corrales)
O Rego da Palanca nace no Cordal de Montouto, moi preto do Monte Buño, que roza os 740 m de altura e se dirixe á bisbarra de Betanzos, pasando polas terras do concello de Aranga, para formar parte do Val de Cambas. Antes xunta as súas augas co Rego da Ponte dás Ovellas, tamén coñecido como Rego da Loba, para formar o Río Cambas, afluente do gran Mandeo. Nesta intersección, os ríos encáixanse formando espectaculares vales que mantiveron  conservado parte da súa natureza primitiva. Así conserva unha magnífica fraga autóctona en parte do val e mantén un magnífico bosque ribeirán.



Nestes vales os ríos erosionan as rochas de cuarzo para formar espectaculares rápidos e grandes saltos de auga, algún deles de case 20 m de altura, como o caso desta fervenza do Rego da Palanca. Moi preto, pero no Rego da Loba, tamén poderemos observar fascinantes cascadas como a do pozo de Castro Rodicio. Para chegar ata ela o máis recomendable é percorrer a ruta de sendeirismo nº2 do con…

Fervenza do Fervencedo | GALICIA MAXICA

Imaxe
(Fotos de Toni Corrales)
O río Fervenzas recibe o seu nome polo gran número de pequenos rápidos e pequenas fervenzas que existen no seu percorrido. No concello de Aranga, ao límite co municipio de Coirós e na parroquia de San Vicente está a pequena poboación do Fervencedo. Tamén o seu topónimo nos indica da existencia doutra fervenza existente neste lugar. Ademais do bonito salto poderemos ver un vello muíño que aproveitaba a forza do salto para poder conducir as augas do río ata a súa maquinaria.




Localización - Mapa
Ver Mapa más grande

Fervenza de Ézaro | GALICIA MAXICA

Imaxe
(Máis fotos aquí)
Encontrámonos ante un lugar único na península. Un lugar que no pasado século XX o río Xallas vertía, impetuoso, as súas augas pola fascinante Fervenza de Ézaro. Todo un espectáculo da natureza. Quizais non sexa o único que desemboca sobre o mar en fervenza de Europa, xa que nas terras dos fermosos fiordes e en Escocia existen algún que outro regato que tamén o fai. Mesmo nas Illas Faeroe temos un caso similar. Pero todos eles, pequenos e ocasionais regatos. Podemos afirmar que, o Xallas, é o río de máis caudal que así o facía nun pasado.



 Pero desgraciadamente, o que o facía único en Europa e en medio mundo era que a auga da súa canle caía pola fervenza ao mar só ocasionalmente e tan só cando a acción do home o desexaba. Tristemente o discorrer libre das súas augas foron truncados para sempre pola construción, a mediados do século pasado, dunha serie de encoros e saltos hidroeléctricos no curso fluvial do fermoso río Xallas. Debido á presión dalgunha organización cons…

Pazo da Peregrina | GALICIA MAXICA

Imaxe
(Máis fotos aquí)
Ortoño
No corazón do val da Amaía, existe unha vila que tivo un enorme crecemento no último século, por estar moi preto da capital de Galicia, Santiago de Compostela, e encontrarse a medio camiño das praias de Noia e esta última cidade. Pero Bertamiráns sempre foi unha zona de paso importante, debido a que o Camiño de Santiago discorría por estes lares en dirección ao Cabo Fisterra.  Ademáis aquí xuntábase o camiño que proviña de Negreira por Ponte Maceira, en dirección a Santiago e o de Padrón.



O pazo (s. XVIII) sitúase no centro de Bertamiráns e forma parte dun conxunto axardinado creado para o desfrute dos cidadáns. Componse dunha capela, coñecida como da Peregrina onde se realizaban ata hai pouco misas parroquiais e dous edificios auxiliares onde se atopa a porta principal e unha fonte circular de pedra. O edificio principal presenta dunha balconada e a súa planta é rectangular, como a planta de moitos pazos galegos. A súa capela está dedicada ao antigo culto á Virx…

Muíños do Río Riamonte | GALICIA MAXICA

Imaxe
(Fotos de Toni Corrales)
Ruta da Auga de Ames (Vilar) - Muiños do Río Riamonte
Entre o Monte de San Marcos e Os Pedrouzos fórmase o val por onde discorre o río Riamonte. Antes de chegar a Vilar existe un conxunto de once muíños parcialmente restaurados que forman parte dunha fermosa ruta coñecida como Ruta dá Auga de Ames que nos conducirán xunto ao río entre un bosque de freixos, ameneiros, carballos e eucaliptos e varios elementos dedicados ao funcionamento dos muíños, como canles e presas.



A ruta se incia en Vilar preto do único muíño en funcionamento. Pouco despois comeza o ascenso e en tan só un traxecto de 500 metros encontraremos os seguintes dez muíños. A ruta levaranos despois de sete quilómetros ata o alto de San Marcos de, 351 metros, pequeno cumio de orografía perfecta para a situación dunha antiga atalaia ou algún tipo de localización defensiva medieval ou quizais anterior.



Dise da posible existencia dunha torre medieval neste punto. Proba da existencia de posibles restos his…