Publicacións

Praia de Laxe | GALICIA MÁXICA

Imaxe
Laxe localízase no lado sur da Ría de Corme e Laxe, practicamente na bocana desta. O núcleo principal da vila atópase ao abrigo dunha gran enseada e é alí onde se asenta o gran areal de area fina e branca de 1,4 km de anchura. Playa de Laxe
O pequeno Rego de San Amedio desemboca na praia, non sen antes formar un humidal denominado As Brañas Mouras. Ademais a praia conta cun complexo dunar natural.A pesar de poder considerarse unha praia urbana pola proximidade do centro urbano, as súas grandes dimensións e a súa beleza natural fan desta praia un lugar ideal e paradisiaco. Dunas
Conta cun paseo, aparcadoiros, parques infantís, acceso a minusválidos, vixilancia, duchas, posto de socorro e todos os elementos propios deste tipo de praias que lle valeron para gañarse o distintivo de bandeira azul ano tras ano. Paseo de Laxe
Máis fotos aquí MAPA - LOCALIZACIÓN

Dolmen de Dombate | GALICIA MÁXICA

Imaxe
Cando falamos do megalitismo en Galicia non podemos deixar de citar un dos exemplos máis representativos do neolítico como é o dolmen de Dombate situado na parroquia de Borneiro a unha altura de 199 metros, nunha zona cunha boa concentración deste tipo de monumentos. Popularmente é coñecido como "A Fornella". Dolmen de Dombate cos "idoliños" en primeiro plano Breves reseñas cronolóxicas:O conxunto é propiedade desde 1975 da Deputación da Coruña quen adquiriu nesta data 715 m2 no O Chan de Borneiro, no lugar de Dombate. Foi declarado BIC en 1978. En 1982 o arquitecto Carlos Fernández Gago proxecta un peche trapezoidal e sinalización da leira aínda que por descoñecemento un dos muros con base de formigón pasou por encima do túmulo. Lembremos que estes dólmenes estaban cubertos con diversas capas de pedras e terra que conformaban a coraza do túmulo formando unha gran "mámoa". Son moitas as referencias e estudos que se realizaron sobre el ao longo do …

Con pés ou sen pés, o máis longo é

Imaxe
Existe unha gran controversia e descoñecemento cando escoitamos falar de cal é o hórreo máis grande de todos. Centrados na discusión temos que diferenciar que non é o mesmo grande que longo e esta é a primeira diferenza que debemos atallar. Por longo entenderemos a súa lonxitude, indubidablemente, e por grande centrarémonos no seu volume. Sen dubidalo Galicia posúe os hórreos máis longos da península e probablemente do mundo, pero a dúbida vén cando falamos do máis grande. No máis alto do podio do hórreo máis longo atópase o de Araño, en Rianxo, que cos seus 37,05 metros deixa atrás ao resto. Debemos comentar que non tomando medidas nós atopámonos diferentes traballos que falan desde os 36,70 do propio hórreo ata os 37,40 incluíndo os tornarratos. Aínda así leva o premio ao máis longo. Hórreo de Araño
Hai quen defende aos seus rivais sobre o de Araño argumentando que este non ten pés, pero como sempre dicimos nós nun refrán que nos inventamos "Con pés ou sen pés, hórreo é". E…

Bosque de secuoias, Bosque de Colón | GALICIA MÁXICA

Imaxe
Situado en Poio a unha altura de 435 metros nunha ladeira do Monte Castrove localízase o maior bosque de secuoias vermellas californianas de Europa. Trátase dun conxunto de 2 ha. de árbores que na actualidade conta con máis de 450 exemplares da especie Sequoiasempervirens, unha especie orixinal de norte américa que pode alcanzar decenas de metros e vivir mesmo máis de 2000 anos. A súa plantación remóntase ao ano 1992 e a súa orixe débese ao cincocentos aniversario da viaxe de Cristóbal Colón e a súa chegada ao continente americano. Con motivo conmemorativo o goberno dos Estados Unidos que presidía George Bush pai e a través da resolución H. J. Res.529, enviou unha comitiva de mozos e enxeñeiros forestais cun agasallo de 500 exemplares para a súa plantación en terras de Poio. Despois de analizar cientificamente o chan procedeuse á plantación dos exemplares con axuda dos veciños quen albergou aos norteamericanos nas súas casas e apoiaron co seu esforzo na plantación.Estreitar a unión …

Petróglifos do Outeiro do Cribo | GALICIA MÁXICA

Imaxe
Monte Castrove contén restos dun pasado milenario e entre os concellos de Meis e Poio consérvanse repartidos varios motivos arqueolóxicos. Un deles son os petróglifos de O Outeiro doCribo. Para chegar sae unha pista desde a CF-102 que debemos seguir durante 350 metros. A man dereita atoparémonos cunhas rocas nas que nunha delas atópanse labrados diferentes gravados rupestres. Destaca un gran labirinto e un grupo de cuadrúpedos.
A uns 400 metros estrada arriba poderemos ver a man esquerda xusto antes da casa forestal e A Fonte do Lagarto os restos dun dolmen coñecido como A Casiñado Mouro.
Nesta ligazón Patrimonio Galego poderemos ver con máis claridad os debuxos representados e o fantástico labirinto do Outeiro do Cribo:

MAPA - LOCALIZACIÓN

Muíños de Samieira | GALICIA MÁXICA

Imaxe
O río de Freiría, tamén coñecido como Rego dos Muíños, discorre pola parroquia de Samieira, en Poio. O seu curso por Samieira empeza no Foxo das Vacas e acaba na praia de Laño (ou de Samieira). Contan que o seu nome podería vir de "frade" xa que no nacemento dise que existiu algún tipo de construción ligado a un frade. Sobre o seu curso existen ata vinte e tres muíños de auga que foron unidos por unha fantástica ruta etnográfica de 5,5 km que discorre pola beira deste río. Moitos deles atópanse reconstruídos no seu exterior e dous deles ata posúen a maquinaria para o seu funcionamento.Pasarelas, pontes, mesas, bancos e ata puntos de iluminación adornan esta ruta que na nosa visita presentaba un gran mantemento.
Un bo punto para comezar é na Praza de Alfredo Romay Bicada xa que existe un bo aparcadoiro. Desde alí poderemos ir senda abaixo durante uns 200 metros ata a Fonte das Mulleres ou mellor cruzar a estrada que existe sobre unha ponte centenaria e seguir senda arriba par…

Miradoiro de Samieira | GALICIA MÁXICA

Imaxe
O miradoiro de Samieira localízase a 250 metros de altura no concello de Poio e na parroquia do mesmo nome. Xunto a el discorre a estrada EP-9214 que une o concello de Sanxenxo con Meis.Foi remodelado a finais de 2016 e desde el poderemos ver gran parte da Ría de Pontevedra coa Illa de Tambo, Marín, a cidade de Pontevedra, Bueu e parte do mesmo concello de Poio.
Máis fotos aquí MAPA - LOCALIZACIÓN